Ирекле көрәш – районда спорттың йәш төрө

Турнирҙа Яңыбай, Атарша һәм Яңы Балаҡатай  ауылдары командалары ҡатнашты.  Төрлө йәш категорияларында балалар үҙҙәренең етеҙлеген, оҫталығын һәм еңеүгә ихтыяр күрһәтте.

Ирекле көрәш – районда спорттың сағыштырмаса яңы төрө. Балаҡатайҙар уның менән бер нисә йыл ғына шөғөлләнә, әммә һәйбәт һөҙөмтәләр күрһәтәләр ҙә инде. Занятиеларҙы тренер Рөстәм Ҡәҙербаев алып бара.

Ярыштар тамамланғас, бер минут тын ҡалып Бөйөк Ватан  һуғышында ҡатнашыусыларҙы иҫкә алдылар.

Спортсылар турнирҙы ойошторған һәм үткәргән өсөн район Хакимиәтенең йәштәр бүлегенә һәм эшҡыуар Елена Ишмөхәмәтоваға рәхмәт белдерә.

Үҙ хәбәрсебеҙ