Февраль һәм мартта байрам көндәре

Билдәле булыуынса, 23 февраль – йәкшәмбегә, ә 8 Март шәмбегә тура килә. Ҡануниәткә ярашлы, байрам көндәре ял көнөнә тура килгәндә ял көнө үҙе артынан килгән эш көнөнә күсерелә. Быйыл хөкүмәт ял көндәрен майға һәм июнгә күсергән. Шулай итеп, республика халҡы февраль һәм март айҙарындағы байрамдарҙан һуң ял итеү урынына 8 майҙа һәм 13 июндә ял итәсәк.

Шулай ҙа мартта республика халҡын өс көнлөк ял көтә. Ураҙа байрамы 30 мартҡа, йәкшәмбегә, тура килгәнлектән, республика халҡы өс көн рәттән – шәмбенән дүшәмбегә тиклем ял итәсәк.

Йома, 7 мартта эш көнө бер сәғәткә ҡыҫҡара. Шулай итеп, Ватанды һаҡлаусылар көнөнә бәйле 22 һәм 23 февраль, ә Халыҡ – ара ҡатын – ҡыҙҙар көнөнә бәйле  8 һәм 9 март ял көндәре була.

РФ Хеҙмәт кодексының 120-се статьяһы нигеҙендә  йыллыҡ төп һәм йыллыҡ өҫтәмә түләүле отпуск биргәндә эш көнө булмаған байрам көндәре – Ватанды һаҡлаусылар көнө, Халыҡ-ара ҡатын-ҡыҙҙар көнө һәм Ураҙа ғәйете отпускының календарь көндәре иҫәбенә индерелмәй.

БР Хеҙмәт министрлығының матбуғат хеҙмәте