Асыйылға игенселәренең төп бурысы – игенде ваҡытында алып өлгөрөү

 Беҙ эш көнөнөң иң ҡыҙыу мәлендә килдек. Иң тәүҙә күҙгә еңел елдән тирбәлеп торған алтын бойҙай башаҡтары ташлана. Хужалыҡ башлығы СК-5 М “Нива” иген йыйыу комбайнында бойҙай сабыу менән шөғөлләнә. Ул ураҡ осоронда етәксе лә, механизатор ҙа, игенсе лә. Яҡыныраҡ килгәс, ул бер аҙ туҡтап торҙо һәм еңелсә арыған тауыш менән эш барышы тураһында һөйләне. Уның һүҙҙәрендә үҙ-үҙенә ышаныс һиҙелә. Күренеүенсә, уның өсөн был урып-йыйыу осоро миҙгелле эш кенә түгел, ә ул ысын яуаплылыҡ менән ҡараған эш.

“Быйыл иген культуралары хужалыҡта 360 гектар майҙанды биләй. Урып-йыйыу кампанияһын беҙ 75 гектар майҙанды биләгән һолонан башланыҡ. Бөтәһе 1 387 центнер һуғып алдыҡ, уртаса уңыш 18,5 центнер тәшкил итте. Шулай уҡ 50 гектар майҙанда арпа йыйыу тамамланды. Аяҙ көндәр торғанда 132 гектар майҙанда бойҙай йыйып алырға кәрәк. 55 гектар майҙандан 935 центнер бойҙай һуғылған да инде. Уртаса уңыш гектарынан 17 центнер тәшкил итә. Алдағы көндәрҙә 103 гектар майҙанда ҡарабойҙай йыйып алырға кәрәк”, – ти Юрий Ралипович.

Игенселәрҙең етмәүенә ҡарамаҫтан, хужалыҡта эш игенсе хеҙмәтенә тоғро булғандар ярҙамында алып барыла. Бына инде 20 йылдан ашыу бында Юрий Сабирйәновтың бер туған ағаһы механизатор Сергей Сабирйәнов эшләй. Күп йылдар эшләгән, “Урал” автомобиле водителе Анатолий Зобнин – һәр хәлдә ышаныслы кеше. Хәҙер ул баҫыуҙан склад майҙансыҡтарына иген ташыу менән мәшғүл.

Был көндәрҙә баҫыу эшсәндәре иген культураларын ваҡытында йыйып алырға һәм ауыр хеҙмәт менән үҫтерелгәндәрҙе һаҡлап ҡалырға тырыша.

Лира Архипова, Алексей Ужегов фотоһы