Тамбурлы сигеү: оҫталыҡ һәм традициялар

Ярыш ике мауыҡтырғыс этаптан торҙо. Тәүҙә ҡатнашыусылар үҙҙәренең иң яҡшы эштәрен – урындағы йолаларҙы иҫәпкә алып, тамбурлы сигеү техникаһында башҡарылған әйберҙәрен тәҡдим итте. Һәр кем үҙенең әҫәрен нисек ижад итеүе тураһында һөйләне һәм оҫталыҡ серҙәре менән уртаҡлашты, улар ғәҙәттә сер итеп һаҡлана.

Артабан иң мауыҡтырғыс мәл – “Тере ижад” башланды. Өс сәғәт дауамында оҫталар тамашасылар алдында яңы хеҙмәт емеше ижад итте. Оҫта ҡулдар аҫтында фантазия һәм быуаттар буйына дауам иткән йолалар үрелеп барған биҙәктәрҙең барлыҡҡа килеүен күҙәтеү ғәжәпләндерә.

Конкурс ике категорияла үткәрелде: “Яңы башлаусы” һәм “Оҫта”. Махсус ойош-

Осталарҙың әйберҙәрен күрһәтеү.

торолған күргәҙмәлә оҫталарҙың 2025 йылдан алып ижад ителгән эштәре күрһәтелде.

Халыҡ кәсептәре өлкәһендәге тәжрибәле эксперттар ҡатнашыусыларҙың оҫталығын иғтибар менән баһаланы. Иң һәләтле ҡул эштәре оҫталары ҡиммәтле бүләктәр һәм дипломдар алды.

Байрам күңелле түңәрәк өҫтәл менән тамамланды: ҡатнашыусылар тамбурлы сигеүҙе үҫтереүҙең мөһим мәсьәләләрен тикшерҙе һәм жюри ағзаларына – традицияларҙы һаҡлаусыларға һорауҙар бирә алды.

Елена Усольцева