Әсә образы беҙҙең өсөн изге

Әсәйемдең бала сағы һәм йәшлеге Түбәнге Үтәш  ауылының тыныс ҡына урынында  үтә. Ул ҙур, татыу ғаиләлә үҫә, унда, әсәйемдән башҡа, тағы ла биш ағай-энеһе була. Хатта ҡаты һынауҙар аҫтында ла ул үҙенең күңел яҡтылығын, йөрәк сафлығын һаҡлап ҡала, әсәһенән – өләсәйемдән – иң яҡшы һыҙаттарҙы мираҫ итеп ала. Өләсәйем, ысын батырлыҡ күрһәтеп, бөтә алты баланы ла аяҡҡа баҫтыра, һәр береһенә лайыҡлы тормошҡа һәм белем алыуға юл аса. Был фиҙаљәрлек әсәй өсөн өлгө генә түгел, ә уның характерының төп нигеҙе булып тора.

Әсәйемдең бала сағы ауыр була, әммә оло тормош та еңел булманы. Үҫеп еткәс, ул кейәүгә сыға, өс балаһына ғүмер бүләк итә. Әммә афған һуғышында ҡатнашҡан атайыбыґ бик иртә вафат була, һәм уға, нәфис ҡатынға, бала тәрбиәләүҙең   йөгөн үҙ иңенә алырға тура килә. Хәҙер уның 9 ейәне бар.

Йылдар үтә, єсєйем тыуған ауылында йәшәй, унда һәр мөйөш хәтирәләр менән һуғарылған. Күп йылдар почтальон булып эшләй, көн һайын ауылдаштарының йорттарын урап үтә, хаттар һәм гәзиттәр тарата. Эштән тыш, ул тулы тормош алып бара, ауылдың мәҙәни сараларында  әүҙем ҡатнаша: “Әхирәттәр” клубына йөрөй һәм “Ләйсән“ вокаль ансамбле составында  сығыш яһай.

Әммә был хәстәрлектәр араһында ла ул эш өсөн көс таба,   һалдаттар өсөн маскировка селтәрҙәрен үрә. Был сикһеҙ хәстәрлек, Ватанды һаҡларға теләүҙә ихлас берҙәмлек,   бөтә ғаиләбеҙ өсөн ысын мәғәнәһендә ҡиммәт.

Бына шундай ул минең әсәйем! Беҙ уның менән сикһеҙ ғорурланабыҙ, уның янында үткәргән һәр минутын яратабыҙ һәм ҡәҙерләйбеҙ. Бөтә балалары һәм ейәндәре исеменән уны Халыҡ-ара ҡатын-ҡыҙҙар көнө менән ҡотларға һәм уның беҙҙең өсөн башҡарған эштәре өсөн ҙур рәхмәт әйтергә теләйбеҙ.