Районда яңы туристик объект

Эшҡыуарлыҡ буйынса урынбаҫар  Альберт Шафиҡов һәм Үтәш ауыл советы башлығы Розалиә Дилмөхәмәтова менән бергә беҙ еребеҙҙең матур мөйөшөн заманса туристик киңлеккә әйләндергән эшҡыуар Рафаил Ғәлләмовҡа барҙыҡ. Проектта йылдың теләһә ҡайһы ваҡытында ғаилә менән ял итеү өсөн барыһы  ла уйланылған. Панорама тәҙрәле беренсе модуль өй ҡуйылған. Күренеш – таң ҡалырлыҡ. 

Яҡында мунса һәм банкет залы менән уңайлы бина. Ҡунаҡтарҙы ҡабул итеүгә барыһы ла әҙер. Был урын     яңы өйләнешкәндәрҙе урынлаштырыу өсөн яраҡлы: айырым атмосфера, беҙҙең уңайлы районда сикһеҙ киңлектәр һәм ял итеү өсөн уңайлы шарттар.

Быйыл йәй ҡунаҡтарҙы райондың иң бейек нөктәһенә - «Аҡҡашҡа» тауына алып барыу көтә. Базаның үҙендә быуа әҙерләнә: бында һыу инергә һәм балыҡ тоторға, тынлыҡтан һәм үләндәрҙең хуш еҫенән ләззәт алырға мөмкин. Спорттың хәрәкәтле төрҙәре: волейбол һәм футбол уйнарға  мµмкинселек буласаљ. Ә киләһе йылға пландарҙа ысын ҡышҡы әкиәт булдырыу  тора: һырғалаҡ, саңғы трассалары, ҡаргиҙәрҙәрҙә һәм аттарҙа йөрөү. Бындай проекттар беҙҙең районды күтәрә, кешеләргә яңы тәьҫораттар бирә һәм беҙҙе тәбиғәткә, ғаиләгә, тынлыҡҡа алып ҡайта... Рафаил Ғәфүр улына барлыҡ ниәттәрен уңышлы тормошҡа ашырыуын теләйем. Был урын күп ғаиләләрҙең яратҡан урыны булһын!

Лилиә Мулланурова, район Хакимиәте башлығы