Фєнил Минhажев - атай һөйөүе һәм тоғролоғо өлгөһө

 Һәм ошо лайыҡлы ирҙәр араһында – беҙҙең конкурсант Фәнил Риф улы Минһажев «Атай ҡаһарманлығы» республика конкурсында ҡатнашыусы дипломына лайыҡ булды.

Фәнил Риф улы Монас тигән бәләкәй генә ауылда тыуған. Яңыбай урта мәктәбен тамамлағандан һуң ул Өфөләге Башљорт дє‰лєт университетына уҡырға инә, филолог юлын һайлай. Ике генә ир-егет булған егерме өс курсташы араһында уның йөрәген бер кем дә әсир итә алмай. Әммә яҙмыш, оҫта режиссер кеүек, уға ул саҡта Өфө педколледжында уҡыған берҙән-бер яҡташы Гөлфирә менән осрашыу әҙерләй. Икенсе курста ул, бер ни ҙә уйлап тормай, уға ҡулын һәм йөрәген тәҡдим итә. Һәм бына егерме һигеҙ йыл инде уларҙың союзы ныҡлы һәм ҡаҡшамаҫ. Дүрт матур бала тәрбиәләп үҫтергән, улар өсөн ышаныслы терәк һәм һөйөүсе остаз булып тора. Өлкән улы Вильдан, Зилиә менән ғаилә бәхетен табып, уларға тәүге ейәне Вильнарҙы   бүләк итә, ул тәүге көндәрҙән үк бөтәһенең дә яратҡан кешеһенә әйләнә. Вильдан һуң  ҡыҙы Вилена  тыуа, ә һуңынан улы Фәнзил донъяға килә, хәҙер ул армияға саҡырыуҙы түҙемһеҙлек менән көтә. Кесе ҡыҙы, Фәнзирә, Силәбе юлдар институтының талантлы һәм маҡсатҡа ынтылышлы беренсе курс студенты. Минһажевтарҙың бөтә балалары ла бөтмәҫ-төкәнмәҫ энергия һәм тормошҡа ижади ҡараш менән айырылып тора.

Фәнил Риф улы ата-әсәһе Риф Йыhангир улы һәм Мәмдүҙә Хәтмулла ҡыҙы һалған иң яҡшы сифаттарҙы үҙләштерә: намыҫлылыҡ, эшһөйәрлек, аҡыл һәм яуаплылыҡ. Яҡындарына сикһеҙ һөйөү, көндөң һәм төндөң теләһә ҡайһы ваҡытында ярҙамға килергә әҙерлек – уның тормош кредоһы. Ғаиләлә өлкән бала булараҡ, ул йәш сағынан уҡ ҡустылары  һәм һеңлеләре өсөн яуаплылыҡ алырға күнеккән.

Егерме ете йыл инде Фәнил Риф улы педагогика өлкәһендә эшләй. Хәҙер ул – район Пионерҙар hәм уҡыусылар йортонда уҡытыусы, ә быға тиклем Балаҡатай коррекцион мәктәп-интернатында эшләгән. Эшләгән йылдарында ул төрлө кимәлдәге грамоталар һәм рәхмәт хаттары менән бер нисә тапҡыр билдәләнә. Ял ваҡытында ул әҙәбиәт донъяһына сума, һуғыш тураһында китаптарға өҫтөнлөк бирә. Уның күптәнге мауығыуы – атаһы өйрәткән шахмат. Бынан тыш, ул – «Салауат Юлаев» хоккей командаһының бер матчты ла ҡалдырмаған тоғро көйәрмәне. Юмор тойғоһо менән ул, ҡатыны әйтеүенсә, һәр ваҡыт күңел асыу һәм иркенлек атмосфераһы хакимлыҡ иткән компанияның йәне булып тора. Минһажевтар ҙур ярҙамсы хужалыҡ алып бара, эштән һуң улар уны оҫта башҡара. Йәйгеһен улар тәбиғәттә ял итергә, ҡунаҡҡа йөрөргә, кинотеатрѓа һәм бассейнға йөрөргә ярата.

Фәнил Риф улы – балалары өсөн иң яҡшы атай, уларҙа юғары намыҫлылыҡ, яҡындары хаҡында хәстәрлек күреүҙе тәрбиәләй. Үҙенең профессиональ эшмәкәрлегенә белемде генә түгел, ә йөрәгенең бер өлөшөн дә һала. Ул – фиҙаҡәр атай, хәстәрлек, һаҡсыллыҡ һәм үҙ бурысына – профессиональ, гражданлыҡ, ғаилә бурысына тоғролоҡ өлгөһө булып тора.

 Елена Усольцева