Ихтирам һәм һоҡланыуға лайыљ єсєлєр

Сара йыл һайын  башҡорт ҡатын-ҡыҙҙары йәмғиәте инициативаһы менән ойошторола һәм  йәмғиәтебеҙҙе үҫтереүгә ҡатын-ҡыҙҙар индергән өлөшкә һәм ҡаҙаныштарға иғтибарҙы йәлеп итә.

Быйыл конкурсҡа 500-ҙән ашыу заявка килде, был  ҡатын-ҡыҙҙарҙың юғары әү-ҙемлеге һәм төрлө өлкәләрҙә үҙен күрһәтергә ынтылыуы тураһында һөйләй. Конкурста еңеүселәр араһында беҙҙең район вәкилдәре лә бар.

Оксана Швидко “Милләт әсәһе” Рәбиға Кушаева исемендәге миҙалға лайыҡ булды. Уның Ватан һаҡсылары юлын һайлаған улдарын тәрбиәләүҙә ярҙамы һәм тоғролоғо бик күптәрҙе илһамландырҙы. Оксана Васильевна – көс һәм  ныҡлыҡ өлгөһө, әсәлек һәм илһөйәрлек рухын кәүҙәләндерә. Сәйҙә Әхтәмова “Оҫта” номинацияһында  еңеүсе булды. Уның тамбурлап сигеү элементтары менән эштәре юғары оҫталыҡ кимәле, үҙенсәлекле дизайны һәм сағыу төҫтәре менән айырылып тора. Резида Сафарова  конкурста әүҙем ҡатнашҡаны һәм тос өлөш индергәне өсөн  финалист дипломы менән наградланды.

Беҙҙең һоҡланғыс ҡатын-ҡыҙҙарыбыҙҙы  ошо мөһим награда менән ҡотлайым.  Һеҙ тоғролоғоғоҙ, эшһөйөүсәнлегегеҙ һәм донъяны яҡшыраҡ итергә ынтылыуығыҙ өсөн иң юғары  танылыуға лайыҡ.

Лилиә Мулланурова,

район Хакимиәте башлығы