Бөтә яңылыҡтар
Новости
28 Март , 10:55

Балаҡатай районының хөрмәтле мосолмандары!

Һеҙҙе иң ҙур мосолман байрамдарының береһе – Ураҙа ғәйете менән ихлас ҡотлайбыҙ!  

Был яҡты байрам изге Рамаҙан айының тамамланыуын билдәләй һәм берҙәмлек, шәфҡәтлелек,  кеше хәленә инә белеү һәм тирә-яҡтағыларға һөйөү кеүек юғары әхләҡи ҡиммәттәрҙең тантана итеүен кәүҙәләндерә.

Ошо  матур көндә Ураҙа ғәйетенең һәр йортҡа  тыныслыҡ һәм именлек килтереүен,  күңел тыныслығы һәм эске гармония бүләк итеүен теләйбеҙ.   Изге эштәр һәм бер-беребеҙгә ихтирам тормошобоҙ нигеҙенә әүерелһен әйҙә.

Балаҡатай район Советы һәм Хакимиәте

 

Хөрмәтле балаҡатайҙар!

Башҡортостан Диниә назараты һәм Балаҡатай мөхтәсибәте барығыҙҙы ла мөбәрәк көн, бөйөк байрам – Ураҙа Ғәйете менән ихлас күңелдән тәбрик итә. Ғәйдел-фитыр, йәғни Ураҙа байрамыбыҙ барыбыҙға ла мөбәрәк булып, алдағы йылдарыбыҙҙа ла ил-көндәребеҙ, йән-тәндәребеҙ тыныс һәм сәләмәт булған хәлдә байрам көндәрен шатлыҡ менән күрергә насип булһын. Аллаһ Раббыбыҙ изге Рамаҙан айында тотҡан ураҙаларыбыҙҙы, уҡыған намаҙҙарыбыҙҙы, ҡылған изге ғәмәл- ғибәҙәттәребеҙҙе ҡабул итеп, барыбыҙҙы ла йәһәннәм ғазабынан ҡотҡарып, Үҙенең йәннәттәре менән бүләкләһә ине.

 

Альфред Әхмәтйәнов, Балаҡатай районы имам - мөхтәсибе

Автор:
Читайте нас: