Бөтә яңылыҡтар
Новости
19 Март , 14:50

Ырғыҙ ҡыҙы

Һаумыһығыҙ, хөрмәтле уҡыусыларыбыҙ! Быйыл  совет көнсығышының билдәле  

ҡатын-ҡыҙҙарының береһе, бар Советтар Союзында танылыу яулаған

Һәҙиә Дәүләтшинаның тыуыуына 120 йыл тула.

Уның ғүмере ҡыҫҡа, әммә  ваҡиғаларға һәм ҡаҙаныштарға бай. Бала саҡтан ҡыҙ әҙәбиәт һәм сәнғәт менән  ҡыҙыҡһына, был уның артабанғы  ижады өсөн нигеҙ була. Һәҙиә Дәүләтшина – әҫәрҙәре  тыуған ерендә генә түгел, ә унан ситтә лә  танылыу яулаған беренсе ҡатын-ҡыҙ  яҙыусы. Уның әҙәби  һәләте шиғриәттән алып прозаға тиклем  асыла. Яҙыусының  әҫәрҙәренә  фекер тәрәнлеге,  лирика һәм милли колорит хас.

Танылған яҙыусының юбилейы уңайынан гәзит редакцияһы Һәҙиә Дәүләтшинаның тормошона һәм ижадына арналған “Ырғыҙ ҡыҙы” викторинаһын ойоштора.

Викторина  биш һорауҙан тора. Бар һорауҙарға дөрөҫ һәм ваҡытында яуап биргән гәзит уҡыусы еңеүсе тип иҫәпләнә. Беҙҙең викторинала уҡыусылар ҙа, ололар ҙа ҡатнаша ала.

Шулай итеп,  һеҙҙең иғтибарығыҙға викторинабыҙҙың беренсе һорауын тәҡдим итәбеҙ: ҡыҫҡаса ғына итеп Һәҙиә Дәүләтшинаның биографияһын һөйләп бирегеҙ.

Яуаптар һорау гәзиттә баҫылып сыҡҡандан һуң биш көн барышында 2-21-53 телефоны аша ҡабул ителә, Рәзилә Миндеәхмәт ҡыҙы Баҡыева.

Викторинала еңеүселәрҙе бағыусыбыҙҙан приз көтә.

Автор:
Читайте нас: