Яҙғы ташҡын етер

Ауыл советтары хакимиәттәре башлыҡтарына  ташҡын һыуҙарын үткәреүҙе, халыҡты,  иҡтисад һәм инженер  инфраструктураһы объекттарын  һыуҙың кире йоғонтоһонан һаҡлауҙы тәьмин итеү буйынса әҙерлек сараларын үтәүҙе тамамларға, шулай уҡ Берҙәм дежур диспетчер хеҙмәте менән берлектә һыу баҫыу  зонаһына эләккән ҡоролмалар исемлеген аныҡларға,  өлкән һәм бәлиғ  булмаған халыҡ һанын, хужалары һәм яуаплы кешеләрҙең телефондарын күрһәтергә, ауыл биләмәләре халҡына яҙғы ташҡын һәм ғәҙәттән тыш хәл тураһында хәбәр итеүҙе ойошторорға һәм күнекмәләр үткәрергә тәҡдим ителде. Һыу баҫыу ихтимал булған урындарҙа йәшәгән халыҡҡа  ташҡын ваҡытында  ғәҙәттән тыш хәл килеп тыуырға мөмкин булыуы һәм һыу баҫыу ҡурҡынысы янағанда эш итеү тәртибе тураһында хәбәр итергә кәрәк. Сараларҙы  1 апрелгә тиклем үткәрергә  тәҡдим ителә.

Бынан тыш, яуаплы кешеләргә  һыу үткәреү торбаларын, күперҙәрҙең таяуҙары эргәһен таҙартырға, һыу кимәлен объектив контролләү өсөн таяуҙарға билдә ҡуйырға ҡушылды.  Боҙ киткәнгә тиклем күперҙәрҙә боҙ тығылыуын даими күҙәтергә.

Иван Ширяев, 

район Хакимиәтенең  граждандар оборонаһы,  ғәҙәттән тыш хәлдәр һәм янғын хәүефһеҙлеген тәьмин итеү буйынса баш белгесе