Район дауаханаһында уникаль хирургик операциялар яһала

Быйыл февралдә генә 13 операция яһалған. Был “Һаулыҡ һаҡлау” милли проектының “Беренсел звеноны модернизациялау” төбәк программаһын тормошҡа ашырыу ярҙамында мөмкин булды.

Эндоскопик  хирургия өсөн ҡорамал ярҙамында Балаҡатай  врачтары  республиканың төньяҡ -көнсығышында ғына түгел,  башҡа  төбєктәрҙә лә һорау менән файҙаланған  уникаль хирургик операциялар эшләй. Балаҡатай үҙәк район дауаханаһының тәжрибәле  врач-хирургы Исроилжон Обиджон уғлы Эргашев үҙенең татыу хирургия  команда-һы менән ошо операцияларҙы яһай. Беҙ докторҙың үҙенең эше тураһында һөйләүен һораныҡ.

-Исроилжон Обиджон уғлы, был ниндәй операция һәм ни өсөн ул уникаль?

-Лапароскопия – организмға иң бәләкәй ҡатнашлыҡ менєн үткәрелгән хирургик ысул,  ул төрлө ауырыуҙарға диагноз ҡуйыу һәм дауалау өсөн файҙаланыла.

Лапароскопия ваҡытында  белгес тәндең һайланған участкаһында  бәләкәй генә    киҫем яһай, уның аша лапароскоп – камера һәм яҡтылыҡ сығанағы  менән нәҙек кенє инструмент һәм  кәрәкле лапароскопик  ҡоралдар индерелә. Камера мониторға эске органдарҙы  40 тапҡыр ҙурайтып төшөрә,  врачҡа операцияны  юғары аныҡлыҡ менән үткәрергә ярҙам итә.

-Бындай операцияларҙың өҫтөнлөгө нимәлә?

-Яраның бәләкәй булыуы, туҡымаларҙың аҙыраҡ зарарланыуы, өҙлөгөүҙәр хәүефе кәмеүе, мәҫәлән, операциянан һуң бүҫер барлыҡҡа  килеү хәүефен кәметә. Операциянан һуң ауырыуҙар ныҡ ауыртынмай.  Яра тиҙерәк төҙәлә һәм ауырыуҙың стационарҙа булыу ваҡыты кәмей. Операциянан  һуң  бик бәләкәй йөйҙәр ҡала, косметика күҙлегенән ҡарағанда  был да мөһим.

-Һеҙ лапароскопия ярҙамында ниндәй операциялар эшләйһе-геҙ?

-Бөгөн дауаханала  лапароскопия ысулы менән  үт ҡыуығынан һәм үт сығарыу юлдарынан  таштарҙы, бүҫерҙең бар төрҙәрен алып ташлау буйынса операциялар үткәрелә. Липома, папиллома, атерома кеүек яңы барлыҡҡа килгән  шештәрҙе,  ҡорһаҡ һәм  күкрәк ҡыуышлығында йыйылған шыйыҡсаны алып ташлайбыҙ. Һынғандан һуң ҡуйылған спица, металлоостеосинтез, аппендэктомия, йомортҡалыҡта барлыҡҡа килгән һыулы шеште алыу  буйынса операциялар башҡарыла. Шулай уҡ башҡа күп төрлө операциялар яһала. Элегерәк беҙҙең район дауаханаһында бындай операциялар эшләнмәй торғайны.

- Һөҙөмтәле дауалау стратегияһын һайлау һәм  хәлде баһалау өсөн пациент ҡайҙа консультация алырға мөмкин?

- Консультацияға  яҙылып, миңә мөрәжәғәт итергә була:  Яњы Балаҡатай ауылы, Яков Кустиков урамы, 1-се йорт, 2-се корпус. Үҙегеҙ менән паспорт, ОМС, СНИЛС, ИНН, медицина тикшереүҙәре һөҙөмтәләре булһын.  Шулай уҡ үҙегеҙҙе ҡыҙыҡһындырған һорауҙарҙы  миңә шәхсән +79613641484 телефоны,  үҙәк район дауаханаһы телефондары: 8(34750) 2-11-03, 2-12-03 аша йә иһә  Балаҡатай үҙәк район дауаханаһының +79174049381 “ҡыҙыу линия” телефоны аша бирергә була.

-Әңгәмәгеҙ өсөн рәхмәт.

Е.Усольцева єњгємєлєште