Ни өсөн “зәңгәр яғыулыҡ” һарыға әйләнде?

Горелкаларҙа йышыраҡ  һары төҫтәге яғыулыҡ яна,ә был  сифатһыҙ газ бирелеүе хаҡында һөйләй. Өҫтәүенә ошо сифатһыҙ  газ арҡаһында счетчик кубтарҙы ғәҙәттәгегә ҡарағанда күберәк өйөрә. Мәҫәлән, ғинуарҙа 250 куб урынына (былтырғы ярашлы осор) 400 куб янды, быйыл иһә ҡыш йылы булды һәм ҡаҙан иң бәләкәй күрһәткескә ҡуйылған. Газ хеҙмәтенең дежур төркөмөн саҡырҙым -  барыһын да тикшерҙеләр,  газ приборҙары нормала. Ни өсөн сифатһыҙ газ бирелә?

 Пенсионер Юрий Сусев,

Яңы Балаҡатай ауылы

Һорауға  “Газпроммежрегионгаз Уфа” яуаплылығы сикләнгән йәмғиәтенең  ҡулланыусылар менән эш буйынса  хеҙмәте начальнигы  Шәмил Гәрәев яуап бирә:

-Граждандарҙың коммуналь-көнкүреш ихтыяждарын  тәьмин итеү өсөн газ биреү өлкәһендә мөнәсәбәттәр РФ Торлаҡ кодексы, “Рәсәй Федерацияһында  газ менән тәьмин итеү тураһында” Федераль закон, Граждандарҙың коммуналь- көнкүреш ихтыяждарын тәьмин итеү өсөн газ биреү ҡағиҙәләре тарафынан  көйләнә. ”Рәсәй Федерацияһында газ менән тәьмин итеү тураһында” Федераль закондың 19-сы статьяһы  талаптарына ярашлы, ҡулланыусыларға газ  ул РФ Хөкүмәте тарафынан раҫланған талаптарға ярашлы булғанда ғына бирелє. Техник көйләү һәм метрология буйынса федераль агентлыҡ  бойороғона ярашлы  дәүләт – ара  5542-2014-се ГОСТ стандарты Рәсәйҙә  милли стандарт сифатында  индерелгән. Ул  газ бүлеү системаларына ҡуйылған һәм    сәнәғәт һәм  коммуналь-көнкүреш тәғәйенләнештәге сеймал һәм яғыулыҡ сифатында ҡулланылған  тәбиғи газға ла  ҡағыла. Өҫтә әйтелгәндәрҙән сығып, 2025 йылдың ғинуарында яғыулыҡ итеп ҡулланылған  газ сифатының 01-01-се паспорты 5542-2014- се ГОСТ буйынса   һынау ысулдарына ярашлы, газ биреү килешеүҙәре, техник килешеүҙәр шарттарына  ярашлы газдың  физик – химик күрһәткестәрен үлсәү һөҙөмтәләре нигеҙендә тултырылған. Дөйөм Рәсәй  продукцияны квалификациялау  буйынса паспорт тәбиғи газға ла ҡағыла.

Шулай итеп, өҫтә күрһәтелгән нормалар, документтар нигеҙендә  граждандарҙың коммуналь- көнкүреш ихтыяждарын тәьмин итеү өсөн  дәүләт стандарттарына ярашлы тейешле сифатлы газ бирелә, тип ышандыра алам.