Училище районға кадрҙар әҙерләй

Таныштырыу маҡсатында һәм училище тураһында  китап сығыуға бәйле ултырышты райондың берҙән – бер уҡыу йортонда үткәрергә булдылар.

Сара фронтҡа киткән уҡытыусылар һәм уҡыусыларға  иҫтәлекле билдә янында митингынан башланды. Ветерандар советы ағзаһы Л. Родникова  иҫтәлекле билдә тураһында һөйләне, сарала ҡатнашыусылар бер минут тын ҡалып уларҙы иҫкә алды һәм һәйкәлгә сәскәләр, веноктар һалды. Артабан филиал директоры А. Накаряков  биналар буйлап экскурсия үткәрҙе. Ултырышта ҡатнашыусылар яңыртылған кластар һәм  производство биналарын күрҙе.  Артабан ултырыш уҙҙы, унда  ветерандарҙың район советы рәйесе В. Корлыханов  училище тарихы тураһында һөйләне. А. Накаряков филиалдың эш йомғаҡтары менән таныштырҙы, Л. Вәлиева  үҙенең  училище тураһында “Годы и судьбы, ставшие историей” китабы тураһында һөйләне. Шулай уҡ училищеның элекке етәкселәре һәм уҡытыусылары  иҫтәлектәре менән уртаҡлашты.

Осрашыу бик ҡыҙыҡлы һәм нәтижәле булды.

Елена Усольцева