Әсәйемдең матур күҙҙәре

. Беҙ һеҙҙең сираттағы конкурсты түҙемһеҙлек менән көтөүөгеҙҙе беләбеҙ, шуға күрә  “Әсәйемдең матур күҙҙәре” фотоконкурсында ҡатнашыу мөмкинлеген бүләк итәбеҙ.

Үҙенең  яратҡан  эше менән шөғөлләнгән, эш урынында булған  әсәйегеҙҙең фотоһүрәтен ебәрегеҙ, балалары, ейәндәре, бүләләре менән төшкән фото ла ярай.  Һеҙҙән әсәйегеҙ тураһында ҙур булмаған хикәйә көтәбеҙ, шулай уҡ һеҙ рәхмәт  һәм ҡотлау һүҙҙәрен яҙа алаһығыҙ.  Әсә көнөндә шундай бүләк алыу уларға бик күңелле булыр, тип уйлайым.

Конкурсҡа эштәр 20 ноябргә тиклем ҡабул ителә.  Фотоһүрәт менән эштәрегеҙҙе почтаға [email protected], 89610506849 номеры аша ватсапҡа йә иһә социаль селтәрҙәрҙә беҙҙең биттәргә ебәрегеҙ, “Конкурс к Дню матери” темаһын, авторҙың фамилияһын һәм исемен, шулай уҡ  һүрәттәге геройҙарҙың исемдәрен күрһәтегеҙ.

 Конкурста еңеүсегә беҙ редакциянан бүләк – сәй сервизы тапшырырбыҙ. Күҙ алдына килтерегеҙ, байрамға тағы ла бер бүләк алыу әсәйегеҙгә нисек күңелле булыр. Һеҙҙең хикәйәләрегеҙ  “Яңы Балаҡатай” гәзитендә һәм беҙҙең социаль селтәрҙәрҙә баҫылып сығыр.

Белешмәләр өсөн телефон     2-15-17, Елена Енисеевна Усольцева.