Мал ауырыуҙарының район биләмәһенә үтеп инеүенә юл ҡуймаҫҡа

Ултырыш район Хакимиәте башлығы М.Миниғәлин рәйеслегендә үтте. Ултырышҡа ауыл советтары башлыҡтары ла саҡырылды.

Ашығыс ултырыш үткәреүҙең сәбәбе - ил биләмәһендә сусҡаларҙың африка тағуны буйынса эпизоотик хәлдең насарайыуы һәм район биләмәһенә йоғошло ауырыу инеү хәүефе. Балаҡатай ветеринария станцияһы начальнигы А.Двойнишников сусҡаларҙың африка тағуны һәм ҡош киҙеүе буйынса көсөргәнешле хәл , ауырыуҙарға ҡаршы көрәш саралары тураһында һөйләне.

Ултырыш йомғаҡтары буйынса именлек булмаған төбәктәрҙән килтерелгән продукцияға күҙәтеү алып барырға , ҡош – ҡорт аҫрау менән шөғөлләнгән хужалыҡ итеүсе субъекттар һәм граждандар тарафынан ветеринария талаптарын һаҡлауға контролде көсәйтергә ҡарар ителде. Шулай уҡ кисекмәҫтән шәхси ярҙамсы һәм фермер хужалыҡтарында ҡош – ҡорт һанына объектип иҫәп ойошторорға. Халыҡ араһында аңлатыу эше үткәреләсәк.

Я.Токарева , район Хакимиәтенең граждандар оборонаһы һәм ғәҙәттән тыш хәлдәр буйынса баш белгесе

Фото сеть интернет (открытые источники)