Айыҡ йәшәү – бик шәп!

Красный Пахарь ауылы эргәһендәге “Әхирәттәр” клубы ун йылға яҡын инде эшләй, клуб ағзалары ҡул эштәре : тегеү, бәйләү, сигеү менән генә шөғөлләнеп ҡалмай, ә байрамдарға һәм иҫтәлекле даталарға төрлө саралар әҙерләй, ауылды төҙөкләндереү буйынса өмәләрҙә, һәйкәлдәрҙе тәртипкә килтереүҙә, урындағы инициативаларҙы яҡлау программаларында ҡатнаша, быйыл иһә улар “Айыҡ ауыл” конкурсында ла әүҙем ҡатнаша. Клуб составында ғәмәлдә пенсия алдынан һәм пенсия йәшендәге ҡатын – ҡыҙҙар, әммә йәштәр ҙә бар. Ҡатын –ҡыҙҙар спорт менән шөғөлләнә, сәләмәт йәшәү рәүеше алып бара, саңғыла йөрөй, скандинавса йөрөү менән шөғөлләнә .

Клуб мөдире Лилиә Вафинаның һүҙҙәренә ҡарағанда, ҡатын –ҡыҙҙар концерттар һәм саралаға костюмдарҙы үҙҙәре тегә, сценарийҙар, репертуар, вокал һәм бейеү номерҙары әҙерләй. Хәҙер улар “Сәй карнавалына” әҙерләнә.

“Айыҡ ауыл”конкурсында ҡатнашып, ҡатын – ҡыҙҙар был исемде аҡларға тырыша, ауыл халҡы үҙенең буш ваҡытын айыҡ үткәрһен өсөн буш ваҡытты ойоштороуға бар көсөн һала. Был эштә һәр кем ҡыҙыҡһынған, һәр ҡатын – ҡыҙ балаларын, ирен, туғандарын, яҡындарын айыҡ күрергә теләй бит. Һәм был эштәре һәйбәт кенә барып сыға. Ауылдың муниципаль этапта еңеп сығыуы ошо хаҡта һөйләй, хәҙер иһә улар республика этабына әҙерләнә. Бында “Әхирәттәр” клубында ҡатнашыусылар һәм конкурстың кураторы Регина Хәбибуллинаның хеҙмәте ҙур. Красный Пахарь халҡына республика конкурсында уңыштар теләйек.

Автор:Елена Усольцева

Читайте нас

Партнеры